БИШКЕК. «Манас» аба майданында жайгаштырылган Ганси атындагы аскердик базадан даниялык жана голландиялык аскерлер бүгүн өз өлкөлөрүнө учуп кетишти. Бул жөнүндө базанын коомчулук менен байланыш кызматы кабарлады. Андан алынган маалыматка караганда, буга чейин Кыргызстандын аймагында даниялык 150, голландиялык 150 аскер кызмат өтөшкөн. Азыр эл аралык антитеррордук коалициянын Ганси атындагы аба майданында АКШнын, Италиянын, Түштүк Кореянын жана Жаңы Зеландиянын аскерлери бар.
