БЕРЛИН. Германия менен Испания Европанын Конституциясы боюнча мурдагыдай эле келише албай жатышат. Испаниянын премьери Хосе Мария Аснар менен болгон сүйлөшүүдөн кийин Германиянын канцлери Герхард Шрөдер тараптардын көз караштары добуш берүү маселеси боюнча кайчы келип жатканын айтты. Испания добуш берүүдө уюмдун бардык мүчөлөрү бирдей укуктарга ээ болууга тийиш деп эсептейт. Бул 2000-жылы Ниццада Еврошаркеттин саммитинде кол коюлган келишимге ылайык келет. Жаңы Конституциянын долбоору ушул жумада Римде талкууга алынат.
