БИШКЕК. Президент Аскар Акаев баштаган Кыргызстандын делегациясынын Франциядагы иш сапары уланууда. Бүгүн ЮНЕСКОнун Башкы Жыйынынын 32-сессиясы башталды. Ага президент А.Акаев катышып, сөз сүйлөдү. Ушул эле күнү Кыргызстан менен ЮНЕСКОнун ортосунда «Кыргызстандагы тарыхый эстеликтерди коргоо тууралуу» макулдашууга кол коюлду. Бүгүн Аскар Акаев Франциянын президенти Жак Ширак менен жолугушат. Кыргыз делегациясынын Франциядагы иш сапары 9-октябрда бүтөт.
