КАБУЛ.Ооганстандагы бейпилдик күчтөрдү кеңейтүү жөнүндөгү НАТОнун чечимин Ооганстан кубаттоо менен каршы алды. Кечээ НАТО эл аралык бейпилдик күчтөрдү Кабулдан тышкаркы жерлерде жайгаштырууну чечкен. Ал чечимди эми Улуттар Уюмунун Коопсуздук Кеңеши бекитүүгө тийиш. Бүгүн АКШнын Ооганстандагы аскердик базасын талибан топтору ракеталар менен аткылашканы маадымдалат. Жабыр тарткандар жөнүндө кабарланбайт.
