БИШКЕК. Тышкы иштер министрлигинен бүгүн алынган маалыматка караганда, 4-октябрда Өзбекстандын Наманган шаарында кыргыз-өзбек чек арасын делимитациялоо боюнча жумушчу топтордун жыйыны өттү. Кыргыз өкмөтүнүн регионалдык маселелер боюнча бөлүмүнүн башчысы Саламат Аламановдун «Кабар» агенттигине билдиргенине караганда, бул жолку Наманган жолугушуусунан анча майнап чыккан жок. Ушу тапта эки өлкөнүн делимитацияланган чек ара тилкеси жалпы чек аранын жарымына жакынын түзөт.
