Кыргызстандын белгилүү саясий ишмери Анарбек Бакаевге арналган китеп чыкты

БИШКЕК. «Учкун» басма үйүнөн мамлекеттик жана коомдук ишмер Анарбек Бакаевдин өмүрү менен ишмердигине арналган китеп жарык көрдү. «Генерал Бакаев» деген аталышта чыгарылган бул китепке аны менен бирге иштегендердин, жоро-жолдошторунун, тууган-уруктарынын эскерүүлөрү, маркумдун тирүү кезинде маалымат каражаттарынде жарык көргөн маектери, макалалары, жыйындарда чыгып сүйлөгөн докладдары кирген. Анарбек Бакаев Кыргызстан эгемендүүлүккө ээ боло электе жооптуу партиялык кызматтарда, ал эми 1990-жылдан кийин өлкөнүн билим берүү министри, мамлекеттик коопсуздук комитетинин төрагасы болуп иштеген. Генерал Анарбек Бакаев 1996-жылы жол кырсыгына учурап, 1998-жылы каза болгон.