Тынчтык үчүн быйылкы жылдын сыйлыгы укук коргоочу активист, адвокат Ширин Эбадиге ыйгарылганы, өкмөттүн өкүлү Абдалла Рамезанзаденин сөздөрүнө ылайык, жалпы иран аялдарына көрсөтүлгөн сый-урмат болду. Иран аялдары, деп айтты Рамезанзаде, өз өлкөсүндө жигердүү эмгектенип, улуу иштерди жасаганга мүмкүндүк алышкан. Рамезанзаде жума күнү бул окуяга кубангандыгын билдирип, бирок бат эле бу сөзүн кайра алган эле. Нобель сыйлыгына арзыган Эбади ислам революциясына чейин Иранда судья болуп иштеген.
