БИШКЕК. Америкалык үй-бүлөлүк дарыгерлер академиясы менен АКШнын мамлекеттик департаментинин колдоосу аркасында 11-октябрда Кыргызстанга 8 млн. 400 миң доллардык дары-дармек жана медициналык жабдуулар гуманитардык жардам катары келди. Саламаттыкты сактоо министрлигинин маалымат кызматынын кабарлоосуна караганда, ушул эле күнү Кыргызстанга америкалык 30 дарыгер да келди. Алар жергиликтүү адистерге берилип жаткан дары-дармекти жана жабдууларды пайдаланууну үйрөтүшөт.
