Түркиянын өкмөт башчысы Кыргызстанга иш сапары менен келмек болду

БИШКЕК. 21-октябрда Кыргызстанга Түркиянын өкмөт башчысы Режеп Тайып Эрдоган эки күндүк иш сапары менен келет. Түркиянын Кыргызстандагы элчилигинен алынган маалыматка караганда, Түркиянын өкмөт башчысы президент Аскар Акаев, премьер-министр Николай Танаев жана Жогорку Кеңештин палаталарынын төрагалары менен жолугушат. Анда эки тараптуу кызматташтыкты өнүктүрүү тууралуу маселе талкууланат. Мындан тышкары, Р. Эрдоган Кыргыз-Түрк «Манас» университетинде болуп, анын жаңыдан курулуп бүткөн эки окуу имаратынын ачылыш аземине катышат.