Жан Кретен бул жерде эл аралык коопсуздук контингентинин курамында кызмат өтөп жаткан канадалык жоокерлер менен жолугушту жана Ооганстандын лидери Хамид Карзай менен сүйлөшүүлөрдү өткөрдү. Канада эл аралык контингентке 1900 аскер ажыраткан. Жоокерлер алдында сүйлөгөн сөзүндө Кретен оогандыктарга кайрадан терроризмдин жана экстремизмдин курмандыгына айланбасы үчүн канадалыктар активдүү жардам көрсөтө тургандыгын ырастады.
