Азербайжандын президенти болуп шайланган Илхам Алиевдин айтымында, өлкөдө тартип орнотулду. 15-октябрда өткөн шайлоонун жыйынтыктарын өкмөт бурмалады деп, оппозиция эки күн бою митинг-демонстрация өткөргөн жана расми маалыматтар боюнча, 196 адам камакка алынды. Кармалгандардын арасында "Умит" партиясынын жетекчиси Игбал Агазаде дагы бар. Полиция жана коопсуздук күчтөрү менен болгон кагылышуулардан кеминде бир адам набыт болду.
