Курчуп бараткан чатактан улам, Москва кечээ Кара жана Азов деңиздеринин ортосундагы Керч кысыгындагы тосмону куруу иштерин убактылуу токтотту. Мурунку түнү маселени орус президенти Владимир Путин менен телефон аркылуу талкуулаган Украинанын президенти Леонид Кучма кечээ талаштуу Тузла аралчасына барып, Орусия куруп жаткан тосмону өз көзү менен көрүп, кырдаал менен жеринде таанышты. Андан кийин өткөн пресс-конференцияда Кучма Керч кысыгы Украинага караштуу бойдон кала берет деп белгиледи. Ал Киев Москва менен сүйлөшүүлөрдө эч кандай чегинүүгө барбаарына басым жасады.
Москвада бүгүн Орусия менен Украинанын премьер-министрлери эки өлкө ортосундагы чек ара чатагын талкуулашат
