Россияда шахтада калган кенчилерди издөө уланууда

МОСКВА. Россиянын Ростов облусунда суу каптап кеткен шахтада калып, дайынсыз жок болуп жаткан 13 кенчини издеп жатышат. Орусиянын расмий өкүлү бейшемби күнү кырсыкка туш болгон шахтерлордун 33үнүн кай жерде экени аныкталып, алардын 19у жер үстүнө аман-эсен чыгарылганын билдирди. Дайынсыз жок болуп жаткан 13 кишини кошпогондо, жер алдында дагы 14 киши калып жатат. Новошахтинск шаарынын акими издөө иштери улантылып жатканын, бирок шахтаны каптаган суунун деңээли барган сайын жогорулап, ишти кыйындатып жатканын билдирет.