БИШКЕК. Кыргыз өкмөтү Орусиянын куралдуу күчтөрүнүн «Кант» аба майданындагы өкүлчүлүгүнө эс алуучу жай курууга Чүй облусунун Аламүдүн районунун Чуңкурчак өрөөнүнөн 2 гектарга жакын жер бөлүп берди. Өкмөттүн маалымат кызматынын кабарлоосуна караганда, жер участогу Орусия тарапка 49 жылга арендага берилди. Буга чейин ал жер Эмгек жана социалдык коргоо министрлигинин № 91 кесипчилик окуу жайына тиешелүү болгон.