Бишкек. «Менин өлкөм» саясий партиясы 25-октябрда өткөн пленумунда өлкө калкы, анын ичинде жаштар жана аялдар арасында партиялык ишти жандандыруу чечимин кабыл алды. Мындай маалымат бүгүн партиянын уюштуруу иштери боюнча координатору Галина Куликовадан алынды. Анын маалыматына караганда, партия андан тышкары ар бир айыл өкмөтүндө партиялык баштапкы уюмду түзүп, элди Кыргызстандын мамлекеттик башкаруу, социалдык мобилициялоо жана кадрларды тандоо саясатына активдүү катыштыруу милдетин алдыга койду. Галина Куликованын сөзүнө караганда, партия пленуму президенттик шайлоодо өз талапкерин көрсөтүүгө даярдык көрүү маселесине кайрылган жок.
