"Саламаттыкты сактоо жана социалдык камсыздоо маселелери боюнча Түндүктөгү өнөктөштүк" деп аталган уюм Орусия, Латвия, Литва, Эстония, Польша, Канада жана Батыш Европа өлкөлөрүн, жалпысынан 15 мамлекеттин башын бириктирет. Аны негиздөөгө Дүйнөлүк Саламаттыкты сактоо уюму да катышты. Бул тууралуу кечээ Норвегиянын башкалаасы Ослодо өткөн жыйында жарыяланды. Жаңы уюмдун максаты - Орусияга жана Чыгыш Европа өлкөлөрүнө коркунучтуу илдеттерге, анын ичинде СПИДге жана кургак учукка каршы күрөштө жардам берүү.
