Орусия президентинин администрация башчысы Александр Волошин ээлеген кызматынан бошоду

Мамлекет башчысынын маалымат кызматынын билдиришинче, администрация жетекчилигине Волошиндин биринчи орун басары Дмитрий Медведев дайындалды. Орусиянын маалымат булактары маалымдагандай, “ЮКОСтун” башчысы Ходорковский камакка алынгандан кийин Волошин кызматын өткөрүп берүүнү өтүнгөн.
Волошиндин ордуна келген Медведев Петербургдан. Өткөн Орусиядагы президенттик шайлоодо Владимир Путиндин шайлоо штабын жетектеген.