Аталган уюмга жетекчилик кылуу милдети ирак күрттөрүнүн өкүлү Жалал Талабаниге өткөрүлөт. Бул окуяга байланыштуу кечээ түндүктөгү Киркук шаарында миңдеген адамдар көчөгө чыгып, майрамдык митингдерди өткөрүштү. Ирактын утурумдук башкаруу кеңешине күрттөрдүн беш өкүлү кирген, азыркы Ирактын тарыхында жогорку бийлик мандаты биринчи ирет күрттөрдүн өкүлүнө берилип отурат.
