Документке кол коюу ушул жылдын декабрында Мексикада өтө турган конференцияда башталат. ООНдун баш катчысы Кофи Аннан дүйнө өлкөлөрүн кыска мөөнөт ичинде конвенцияга кол коюп, ратификациядан өткөрүүгө чакырды. Жетимиш бир статьядан турган документте паракорлук, бюджеттик каражаттарды кымырып алуу жана арам кирешени адалдоо сыяктуу аракеттер кылмыш деп табылат. Мындан тышкары коррупция жолу менен алынган каражат кайсы өлкөдөн чыкса,аны ошол өлкөгө кайтаруу шарты да каралган.
