БИШКЕК. 14-ноябрда Бишкекте «Маалымат каражаттарын колдоо борбору» деп аталган көз карандысыз басма үйү ырасмий ачылат. Мындай маалыматты жума күнү борбордун фондунун директору Рамис Зиянгараев билдирди. Анын айтымында, имаратты даярдоо иштери соңуна чыгып калды. Азыр техникалык жабдуу каражаттарын орнотуу иши уланууда. «Маалымат каражаттарын колдоо борбору» өткөн жылдын декабрында Юстиция министрлигинен каттоодон өткөн. «Фридом Хаус» уюмунун күчү менен ачылып жаткан борборду Директорлор кеңеши башкарат.
