БИШКЕК. Бүгүн Кыргызстандын вице-премьер-министри Жоомарт Оторбаев АКШга иш сапары менен жөнөп кетти. Ал Дүйнөлүк Банктын жыл сайын өтүүчү XIII жыйынына катышат. Жыйында ал АКШнын Мамлекеттик департаментинин жана Финансы министрлигинин өкүлдөрү менен жолугушуп, эки тараптуу сүйлөшүүлөрдү өткөрөт. Ал эми АКШнын Брукинг институтунда жана Карнеги фондунда Ж.Оторбаев «Борбор Азия регионунун өнүгүү мүмкүнчүлүгү» деген темада «тегерек үстөл» жыйындарын өткөрөт. Бул жыйындарга АКШ администрациясынын, Мамлекеттик департаментинин жана Финансы министрлигинин өкүлдөрү катышат.
