Ариэль Шарон бүгүн Москвада орус президенти В.Путин менен жолукту. Маалымат агенттиктеринин кабарларына караганда, Израил өкмөт башчысы сүйлөшүүлөрдө анын өлкөсү палестиндер менен чыныгы тынчтыкка жетүү үчүн коопсуздуктан башка маселелерде чегинүүгө барууга даяр экенин билдирген. Ал эми Путин Орусия Жакынкы Чыгышта тынчтык орнотуу жараянына активдүү катышууну уланата берээрин ырастады. Тараптар ошондой эле Орусия менен Израилдин соода-экономикалык кызматташтыгына байланышкан маселелерди да талкуулашты.
