БИШКЕК. Бүгүн Европадагы Коопсуздук жана Кызматташтык Уюмунун (ЕККУ) Кыргызстандагы борборунун жетекчиси Айдын Идил өзүнүн Кыргызстандагы иш мөөнөтү аяктаганына байланыштуу маалымат жыйынын өткөрдү. Айдын Идил соңку эки жылда Кыргызстанда ЕККУнун жүргүзгөн иштери тууралуу журналисттерге кыскача маалымат берди. Анын пикиринде, Кыргызстан ЕККУ менен активдүү кызматташкан өлкөлөрдүн катарына кирет. Кечээ кечинде президент Аскар Акаев Айдын Идилди кабыл алып, соңку эки жылда Кыргызстан менен ЕККУнун кызматташтыгына кошкон салымы үчүн аны «Данакер» ордени менен сыйлады.
