КАБУЛ. Ооганстандын түндүгүндө касташкан өзбек жана тажик тайпаларынын өз ара кагылышуулары уланууда жана андан курман болгон адамдардын саны көбөйүп барат. Абдул Рашид Достум менен Атта Мухамеддин аскерлерлеринин ортосундагы салгылашуулар өткөн жума күнү кайрадан жанданган. Сари Пул провинциясында болгон акыркы салгылашууларда, бери дегенде, 9 киши курман болуп, ондогон кишилер жараат алышты. Атта Мухамеддин командачылыгынын билдиришинче, бүгүн чөлкөмгө келаткан Улуттар Уюмунун өкүлдөрү эки тараптын башчылары менен жолугушуп, абалды талкуулашмакчы.
