Индонезияда топон суудан курман болгондордун саны 170 кишиге жетти

СУМАТРА. Индонезиянын Суматра аралында топон суудан курман болгондордун саны 170 кишиге жетти, дагы ондогон кишилер дайынсыз жок болууда. Аларды издөө улантылып жатат. Бул жөнүндө бүгүн Түндүк Суматранын акими билдирди. Суматранын курорттук чөлкөмүн дүйшөмбүгө караган түнү капилеттен эле суу каптап кетип, туристтик чатырлар менен үйлөрдү, көпүрөөлөр менен жолдорду алып кеткен. Курман болгон жана дайынсыз жок болуп жаткан адамдардын ичинде чет элдик туристтер да бар.