БИШКЕК. Кечээ Москва шаарында Жамааттык Коопсуздук Келишим Уюмуна (ЖККУ) кирген мамлекеттердин коопсуздук кеңеш катчыларынын жана тышкы иштер министрлеринин орун басарларынын жыйыны болду. Ага Кыргызстандын тышкы иштер министринин орун басары Лидия Иманалиева баштаган делегация катышты. Бул тууралуу бүгүн Тышкы иштер министрлигинин КМШ башкармалыгынын жетекчиси Эркин Мамкулов билдирди. 19-20-ноябрда болсо ЖККУга кирген мамлекеттердин тышкы иштер министрлери Бишкекте жыйын өткөрүп, анда уюмдун алдындагы маселелер талкууланмакчы.
