Орус президенти В.Путиндин Италия менен Францияга болгон кызмат сапары кечээ күнү аяктады. Рим шаарында ал Европа Биримдиги менен Орусия ортосундагы бийик жолугушууга катышты, Парижде болсо президент Жак Ширак менен жолугуп, дүйнөлүк маселелерди талкуулады. Европа Биримдигинин мүчөлөрү Орусиянын Дүйнөлүк соода уюмуна кошулушуна колдоо көрсөттү, бирок жыйын учурунда “ЮКОС” компаниясынын башчысы Михаил Ходорковскийдин камалышы тууралуу көп суроолор болду.
