ОШ. Бүгүн Ош шаарында дин кызматкерлеринин жана күч органдарынын өкүлдөрүнүн катышуусу менен «Диний экстремизмге бөгөт» аттуу жыйын өткөрүлдү. Жыйынга Кыргызстан диний башкармалыгынын муфтийи Муратаалы ажы Жуманов, Дин иштери боюнча мамлекеттик комиссиянын төрагасы Өмүрзак Мамаюсупов, Ош облусунун бардык шаар-райондорунун имамдары жана Ош шаарынын казысы катышты. Анда түштүктө күч алып бараткан диний экстремизмге, «Хизб ут-Тахрир» уюмунун иштерине бөгөт коюу маселелери талкууланды.
