ЖЕНЕВА. Эл Аралык Кызыл Чырым уюму Ирактагы абал кооптуу болуп турганына байланыштуу Багдад жана Басра шаарларындагы кеңселерин убакталуу жапкандыгын билдирет. Уюмдун өкүлү Флориан Вестфалдын айтымында, мындай чечим, Багдаддагы ахвал өтө коркунучтуу болгондуктан кабыл алынды. Вестфал Ирактын түндүгүндө уюмдун кеңселери өз ишин уланта берээрин кошумчалады. Октябрь айында Эл аралык Кызыч Чырым уюмунун Багдаддагы кеңсесине террордук чабуул жасалып, андан 12 киши курман болгон. Курман болгондордун ичинде уюмдун кароолчулары бар эле.
