БИШКЕК. Бүгүн «Аларча» мамлекеттик резиденциясында «Талаштарды жөнгө салуу - чакан жана орто ишкерликтин өнүгүшүнө салым кошуу» деген темада регионалдык конференция башталды. Ага Борбор Азия мамлекеттеринин юстиция жана сот органдарынын өкүлдөрү катышууда. Бул иш-чара Европадагы Коопсуздук жана Кызматташтык Уюму (ЕККУ) тарабынан уюштурулган. Конференциянын катышуучулары региондогу экономикалык мыйзамдарды унификациялоо, коммерциялык арбитраждык сот түзүү сыяктуу сунуштарын ортого салышууда.