Ооганстанда талибандарга каршы аскерий операция башталды

Ооганстандын чыгышында АКШ менен Ооган өкмөтүнүн аскерлери талибдерге жана “ал-Кайиданын” согушчандарына каршы жаңы аскерий операциясын баштады. Америкалык командачылыктын маалымдашынча Кабулдун түндүк- чыгышында жайгашкан Нуристан жана Кунар вилайетинде активдүү аскерий иш чаралар жүргүзүлүүдө. Забул вилайетинин губернаторунун орун басары Молви Мохаммад Омардын бүгүн билдиришинче талибдер бул аймактын 4 районун басып алышкан. Жекшембиде жергиликтүү губернаторго кол салышып, өмүрүнө коркунуч келтирген.