АКИМ ӨЗГӨН: КЫРГЫЗСТАНДЫН КАРЫЗГА БАТЫП БАРАТКАНЫ...АЯНЫЧТУУ

“Эркин Европа/ Азаттык” радиосунун кыргыз бөлүмүнүн түзүлгөндүгүнүн 50 жылдыгына байланыштуу бөлүмдүн мурдакы кызматкерлери менен бир өткөрүлгөн маектер түрмөгүн улантабыз. Аким Өзгөн “Азаттык” радиосунун кыргыз бөлүмүнүн мурдакы директору (1990-1994). Ал азыр үй-бүлөсү менен Түркиянын Измир шаарында жашайт. Аким Өзгөн кыргыз тилиндеги уктуруулардын Кансыз согуш жылдарындагы берүүлөрүнүн өзгөчөлүгү жана өзүнүн советтик Кыргызстанга алгачкы ирет баруусу тууралуу эскерип, эгемен Кыргызстандын келечеги тууралуу ой-бөлүшөт.