Премерь-министр Ахмед Корейи анын өкмөтү Израил менен тынчтык сүйлөшүүлөрүнө кайтууну, жөөтөргө каршы зордук-зомбулуктарды токтотууну көздөөрүн билдирди. Израилдиктер палестиндер менен ийиндешип тынчтыкта жашоого укуктуу экенине парламенттеги сөзүндө палестин лидери Ясир Арафат да токтолду. Жөөт тышкы иштер министри Силван Шаломдун айтымында, Израил Палестинанын жаңы өкмөтү менен эгер ал согушчан топторду таратууга чечкиндүү экенин көргөзсө иштешет.
