БИШКЕК. Бүгүн түштөн кийин Бишкекке АКШнын мамлекеттик катчысынын Европа жана Азия боюнча жардамчысы Элизабет Жоунс жана демократия, адам укуктары, эмгек маселелери боюнча жардамчысы Лорн Крэйнер иш сапары менен келишти. Алар эртең Бишкекте Эркин басма үйүнүн ачылыш аземине катышат. Басма үйү АКШ өкмөтүнүн жана «Фриидом Хаус» уюмунун колдоосу менен түзүлүүдө. АКШнын мамлекеттик катчысынын жардамчылары президент Аскар Акаев, тышкы иштер министри Аскар Айтматов жана башка бийлик өкүлдөрү менен жолугушат.
