РОСТОВ- НА- ДОНУ. Ингушстанда турак үйлөрдүн биринде болгон жардыруудан милициянын төрт кызматкери курман болуп, 11 киши жараат алды. Жараат алгандардын экөө оор абалда. Жардыруу Троицкая деген кыштакта милиционерлер үйдү тинтип жаткан кезде болгон. Ички иштер министрлигинин жергиликтүү бөлүмүнүн башчысы теракт алыстан башкарылган бомба менен жасалганын билдирет. Козголоңчул Чеченстан менен чектеш турган Ингушстанда бийликтер үйлөрдү жана жарандардын документтерин кезек-кезек текшерип турушат.
