РИЯД. Америка Кошмо Штаттары эртеңден баштап Сауд Арабиядагы элчилиги, Жеда менен Дахрандагы консулдук кызматтары кайрадан ачыла турганын билдирди. АКШнын өкүлчүлүктөрү өткөн ишембиде болгон террордук кол салуудан бир күн мурда коопсуздук себептерине байланыштуу убактылуу жабылган болчу.Ишемби күнкү террордук чабуулдан 18 киши курман болгон. Бирок Американын элчилиги Сауд Арабиядагы жарандарын этият болууга чакырды.
