БИШКЕК. Көз карандысыз басма үйү ушул жумадан тартып гезиттерди басып чыгара башташы күтүлөт. Бул тууралуу бүгүн ушул долбоордун башчысы Майк Стоун билдирди. Анын айтымында, азыр бир катар гезиттер менен келишимдер түзүлүп жатат. Бирок Майк Стоун ал кайсы гезиттер жана алардын саны канча экендигин азырынча так айта албастыгын билдирди. АКШ өкмөтүнүн акчалай жардамы менен «Фридом Хауз» уюму тарабынан уюштурулган бул басма үйү өткөн жума күнү расмий түрдө ачылган.
