Экс-Советтер Союзунда курулган "АН-12" учагы судандык "Сария" аба компаниясынын менчигинде болчу. Алгачкы маалыматтар боюнча, аны башкарган экипаждын төрт мүчөсү – Армениянын, дагы бирөө Өзбекстандын атуулу болушу мүмкүн. Аба транспорту Судандагы Вау шаарына ири көлөмдөгү азык-түлүк продуктылары менен улуттук банктын заказы боюнча акча ташып бараткан. Кырсыктын себептери иликтенип жатат.