Америкалык президент шаршемби күнкү сөзүндө АКШ менен Британиянын орток максаты бар экенин белгилеп, эки өлкө тең дүйнөдө эркиндик жана тынчтык орнотууга умтула тургандыгын, ушул улуу максат үчүн алар курмандыктарга даяр экенин бөлүп көрсөттү. Америкалыктар британдыктарга ыраазы жана алардын каармандыгын жогору баалайт, деп билдирди Буш. Бүгүн Лондондо массалык акциялар болот, ага жүз миңден ашуун киши катышышы мүмкүн.
