ТАЛАС. Бүгүн Талас облусунун Карабуура районунун дыйкандары район акимчилигинин имаратына келип, Түркиянын төө буурчак сатып алуучу «Робин» фирмасынын эсептешүүсүн талап кылышты. Райондун акими Бактыбек Курманбаев райондун айыл чарба департаментинин башчысы Чолпон Тѳрѳкулов жетектеген комиссия «Робин» фирмасында болуп, маселени тактаганын билдирди. Мындан тышкары, аким «Робин» фирмасынын эсебине 20-21-ноябрда 1 млн. 700 миң сом каражат түшкѳндүгүн, бүгүн дыйкандар менен эсептешүү жүрѳ баштаганын маалымдады.
