БИШКЕК. Кыргызстандын Чегара кызматынын Шарихансай көзөмөл-өткөрмө пункту өлкөнүн электр кубаты Өзбекстандын аймагына уурдалып, өзбекстандыктар Кыргызстандын телефон кызматынан мыйзамсыз пайдаланып жатышканын аныктады. Мындай маалыматты бүгүн Чегара кызматы таратты. Анда белгиленгенге караганда, Ош облусунун Карасуу районунун бир нече жеринен Өзбекстандын аймагын көздөй кубаттуу ток өткөргүч зымдар тартылгандыгы аныкталган. Электр кубаты атайын трансформатор аркылуу жөнөтүлүп турган.
