Литванын парламенти бүгүн өлкө президенти Роландас Паксаска каршы импичмент жарыялоо маселесин карай баштады. Атайын түзүлгөн парламенттик комиссия кечээ күнү жарыялаган маалыматка караганда, президент мурда кылмыштуу топтор менен байланышта болгон болушу ыктымал. Кечээ күнү Паксас кызматтан кетпей турганын билдирген, бирок премьер-министр Альгирдас Бразаускастын айтымында, анын Социал-демократиялык партиясы парламентте президентке импичмент жарыялоону колдойт.
