Испаниянын өкмөт башчысы Ирактан аскер чыгарылбай тургандыгын жарыялады

Парламенттин каршылыгына карабастан, Хозсе Мария Азнар Иракта испан аскерлери кала берээрин билдирди. Иракта өткөн ишембиде набыт болгон жети чалгын кызматкерин жерге коюу аземинен бир нече сааттан кийин жасаган билдирүүсүндө Азнар буларга токтолду:
- Биз эл аралык милдетибизди аткарып жатабыз. Бир-бирин урматтоого, мыйзамдарга жана укуктарга негизделген эл аралык тартип үчүн кызмат кылабыз. Биз досторубузду жана союздаштарыбызды унутпайбыз.