АКШ мындан 20 ай мурда киргизген бул үстөк салыкка Европа Биримдиги катуу каршы чыгып, ага жооп катары америкалык товарларга карата атайын санкциялар киргизээрин эскерткен болчу. Вашингтон болоттон жасалган товарларга салыкты жойгону жарыяланаар замат, Евробиримдиктин соода боюнча комиссары Паскаль Лами аны кубаттап буларга токтолду: "Биз Америкага каршы пландаштырган санкциялар 15-декабрдан тартып күчүнө кирмек. АКШ ал салыктардан баш тарткандыктан, эми биздин санкциялар да колдонулбайт."
