БИШКЕК. 2004-жылы Кыргызстандын атуулдары жаңы үлгүдөгү паспорт алышат. Тышкы иштер министрлигинин алдындагы Консулдук башкармалыктын башчысы Руслан Казакбаевдин айтымында, өлкө тургундарына алардын аты-жөнү жана жашаган жерин күбөлөндүргөн эл аралык үлгүдөгү атуулдук күбөлүк берилет. Ал эми кыргызстандыктар чет өлкөгө дипломатиялык, кызматтык жана жөнөкөй атуулдук паспорт менен чыга алышат. «Учурда адистерден турган атайын топ атуулдук күбөлүктүн жана чет элдик паспортун үлгүсүн иштеп чыгышууда», - дейт Руслан Казакбаев.
