БИШКЕК. АКШнын өкмөтү 2004-жылы гуманитардык жардам көрсөтө турган өнүгүп келаткан өлкөлөрдүн тизмесин жарыялады. Анын арасында постсоветтик өлкөлөрдөн Азербайжан, Грузия, Кыргызстан, Тажикстан бар. АКШ дүйнө жүзү боюнча он сегиз өлкөгө жалпы суммасы 115 млн. доллардык азык-түлүктү жардам катары берет. Анын ичинде Кыргызстанга 1500 тонна зыгыр майын, Тажикстанга 17 миң, Грузия менен Азербайжанга 22 миң тонна май, 15 миң тонна буудай берет. Бул тууралуу АКШнын Кыргызстандагы элчилигинен кабарлашты.
