Литва президенти Роландас Паксас бүгүн дагы бир жарыя жасап, кызматынан кетпей турганын билдирди. Өлкөнүн коопсуздук кызматтары октябр айында даярдаган жашыруун докладда “президенттин кээ бир жардамчылары Орусиянын кылмыштуу топтору менен байланышкан”, деп айтылат. Литванын премьер-министри Альгирдас Бразаускастын пикиринде, президент кызматынан кетүүгө тийиш, антпегенде парламент ага каршы импичмент жарыялашы мүмкүн.
