Ирактагы америкалык аскерлердин жоготуусу өсүүдө

Ирактын түндүгүндөгү Мосул шаарында америкалык аскерий кербен минага кабылып, андан бир жоокер набыт болду жана эки жоокер жараат алды.
АКШ армиясынын өкүлүнүн билдиришинче, мина аскерий кербен шаардын ортосунан өтүп баратканда жардырылган.

Кечээ күнү Багдаддын түштүгүндөгү Искандерия шаарчасына жакын жерде эрегишчилер жолдун четине жашырып койгон минадан 12 жашар ирактык бала мерт болгон.