Палестин бийликтери Израил менен ок атышууну токтотуу маселеси боюнча согушчан топтор менен кайрадан сүйлөшүүлөрдү өткөрүүнү көздөөдө. Каирде өткөн сүйлөшүүлөр кечээ натыйжасыз аяктап, палестиндердин "Хамас" баш болгон беш уюму Египеттин Израил менен элдешүү жөнүндөгү сунушун кабыл алган эмес. Бирок палестин лидери Ясир Арафаттын " Фатх" кыймылынын өкүлдөрү согушчан топторду өз турумдарын өзгөртүүгө ынандырууга аракеттенээрин билдиришүүдө.
