Алиев быйыл августта АКШнын Огайо штатындагы Кливленд шаарындагы ооруканага жаткырылган эле. Жума күнү ал ушул клиникада жүрөк оорусунан көз жумду. Буга байланыштуу Азербайжанда жети күн аза күтүү каадасы өткөрүлөт. Маркумдун сөөгү 15-декабрда жерге коюлат. Алиев 1967-жылы Азербайжандын КГБсын, андан соң республиканын компартиясын жетектеген. 1982-жылы КПСС БКнын саясий бюросунун мүчөсү болгон,1987-жылы кызматтан четтетилип, Азербайжанга кайтып келген жана 1993-жылы өлкөнүн президенти болуп шайланган. Быйыл анын ордуна уулу Илхам Алиев президент болуп шайланды.
